Fueroak kendu zituanari
Txirrita
1
Zeruko Aita barkaditzatzu
bekatariyen pausoak
Kantabriako deskalabruak
dirade lastimosuak;
arbola eder bat dala mediyo
jartzera nua bertsuak
milla urtean mantendu gaitu
lau probinzia osuak.
2
Gutxienaz izan bear du
milla urte pasatu ba
arbola aundi bat bada Gernikan
aitona batek sartuba
aren azpian egiņ omenzan
fueroen juramentua
orain argatik deitzen diogu
arbola bedeinkatua.
3
Biba arbola maitagarria,
biba Kantabriatarrak
biba Bizkaya, Gipuzkoakin
Alaba eta Naparrak
biba Kortean gure fabore
dauden ministro bakarrak
beste gauzarik ez degu eskatzen
biba lengo fuero zarrak.
4
Arbola maite zoragarriya
etzaude gutxi kostia
igartu arren ateratzera
atrebitutzen ez dia
zarra oraindik zutik daguala
aldatu dute bestia
izugarrizko furiya dakar
izanagatik gaztia.
5
Arbola dago igartua ta
euzkaldunak gaude triste
ez det pensatzen pasatu danik
munduan beste orrenbeste.
Orain gertatu zitekiala
ere ez nuan nik uste
milla urtean izan ditugun
fueroak kendu dituzte.
6
Konbenioa egin zanian
arbola aldatu zuana
motiborikan asko badu ta
asarre dago gugana
ez da enkargu gutxi eman da
mundo ontatik juana
defenditzera sayaliteke
sentimenturik duana.
7
Arbola orren zain printzipala
zan Bergarako partean
arri sillarez inguratu ta
burnizko kaja batean.
Milla zortzireun irurogeita
amalau garren urtean
zatorrak fuerte ibilli ziran
ura ebaki artean.
8
Milla zortzireun irurogeita
zortzigarrengo urtean
izar eder bat estali zuten
oroi askoren artean.
Laņua fuerte korritu zuten
ura tapatu artean
geroztik ez da egualdi onik
Kantabriako portean.
9
Memorial bat eskribitu du
tunante batek Paris'a
aingo puerkoak firmatu eta
atzera buelta Kadiz'a
Masoyak eta protestantiak
alkar artuak dabiltza
erejienzat egin nai dute
lege gaxtoko eliza.
10
Ara izar au tapatu eta
zer egin zuten lenbizi
fraileak eta monjak bialtzen
konbentuetatit asi
jesuitak eta misionistak
saltatu ziran igesi
esaten zuten: -gu gaituk oraiņ
Espaņiako nagusi.
11
Dendabiziko fueroan kontra
firmatu zuen gizona
eskeleto bat bezela dabill
ez dago oso gizona.
Dudarik gabe gogoratzen zayo
etzuela egin gauza ona
kastigatzera bildur ez banitz
esango nuke izena.
12
Fueroak kendu zituen ori
izenez ez det esango
iltzen danean ez da orrentzat
salbaziorik izango.
Gusto guziyak kunplitu eta
ezta mundutik juango
deseo diyot bizi dedilla
urte askoan eta ondo.
