Aurtengo estropadari

Txirrita

 1

 Bertso berriyak jartzera nua

 estropadaren gañian,

 itxas gizonak alabatuaz

 merezi duten añian;

 aurtengo ontan enpeñatu da

 jendia alegiñian

 bosti atsegiñ eman diyote

 ospela zeukan zañian.

 2

 Biba Manuel Arrillaga ta

 zeren dituzu lagunak,

 gauz ori ontzat artuko degu

 konprenditutzen degunak,

 umore onaz pasa ditugu

 estroparako egunak,

 danak konforme gelditu gera

 bistan ikusi degunak.

 3

 San Pedro'tarrak kontentu dira

 zuek egindako lanaz,

 patroya ere sayatutzen zan

 tira mutillak, esanaz,

 indar guztiyak azaldu gabe

 nik pentsatutzen dedanaz,

 oraiñ deskantsun egon zaitezte

 naikua jan da eranaz.

 4

 Patroyak uju egiten ziyen:

 -Fuerte arraunari tira.

 Ori aditu duten garaian

 mutillak sayatu dira,

 barkua txuxen eraman zuen

 desio zuen tokira,

 berialaxen eman ziyoten

 bere balizari jira.

 5

 San Pedrokuak dute bandera,

 Oriyokuak urrena,

 oyen ondoren San Juan eta

 Donostiya laugarrena,

 txit errespetoz sartu ziraden.

 beren arrayan barrena;

 au zan sekulan ikusi degun

 estroparik ederrena.

 6

 Lenengo bueltan bi segundoren

 bentajan zegon Oriyo,

 Manuel etzan asko estutu

 gauz ori zala meriyo;

 arrauna fuerte dantzatzen dute

 bera jetxi ta gora iyo

 aik berdindu ta beste amalauren

 bentaja atera diyo.

 7

 Zer sentidutan itz egin dedan

 konprendi zazute arren

 lenengo bueltan lau txalupa oyek

 alde ziraden alkarren,

 kolkak txituak ziruditela

 bata bestiaren urren

 danak arraunak jaso zituzten

 amaika segundo barren.

 8

 Getariarrak ziran bostgarren

 ala enteratu naute,

 eztira ola kostunbratuak

 orañ dala zenbat urte

 bakoitzak bere ayetatikan

 enpeñatu dira fuerte,

 zer esanikan ez da oyentzat

 egiñala egin dute.

 9

 Ondarrabiko arraunlariyak

 ziran gero seigarrena

 gorputz tamaña ederrekuak

 franko altu ta gizenak

 soberbiyarik gabeko mutill

 prestubak eta zuzenak

 despreziyorik ez du merezi

 fiñ jokatzen dan gizonak.

 10

 Pasa bezela itz egingo det

 ordena ala nuan da,

 Agiñagako barriyu ori

 Oriyo'tarren mugan da,

 bandera billa sayatu ziran

 Donostiyara juanda

 danen atzetik etorri ziran

 norbaitez biar zuan da.

 11

 Eskarrik asko Donostiyako

 Ziudade amantia

 aurten naikua egin dezute

 orrenbeste ematia,

 ikusirikan badukatela

 olako borondatia

 berriz biartzen baditu ere

 mereziko du juatia.

 12

 Pasadizuak ikasi ditut

 aldian bizi naiz eta

 gañera berriz neonek ere

 iñoiz letzen det gazeta,

 ongi kostata irabazten da

 oinbeste milla pezeta,

 oraiñ deskantsuz egon zaitezte

 olloz ta ardoz aseta.

 13

 Agur Manuel Arrillaga ta

 konpañi maitagarriya

 zu zera urterik faltatu gabe

 bost bandera ekarriya,

 orantxe Kosta Kantabriyari

 artu dituzu neurriya,

 Biba alkatia Andonaegi ta

 gora San Pedroko erriya!

 14

 Aita semiak, osaba illobak,

 geyenak prareientiak,

 maisu onaren akolituak,

 jakinduriyaz betiak,

 gañera berriz aldamenetik

 olako ayudantiak,

 atrebentziya barkazazute

 Pasayako lagun maitiak.