Alperraren suertia

Txirrita

 1

 Kalipurniyan euzkaldun bati

 gertatutako kasuak

 danak eztitu merezi baña

 esango dizut batzuak;

 penagarriyak ziran orrek an

 eman zituan pausuak,

 azkenerako lagundu diyo

 gure Jaun amorosuak.

 2

 Alperkeriyak bentzitu zuan

 astu zitzayon lanian,

 golfo guziyen kapitan zegon

 Kaliforniyen danian,

 usandutako okelak janaz

 beti ziar etzanian,

 ango zakurrak kontentu ziran

 ura etorri zanian.

 3

 Labak aldian juntatzen ziran

 iturri zoko batera

 usandutako okelak eta

 galleta puzkak jatera;

 Gobiernuak bota zituen

 Arjentinako partera,

 parientiak orren sustraya

 etzuten errex atera.

 4

 Bi naziyotan zeuden jendiak

 aspertu zituan iya,

 gure Jainkuak lagundu ziyon,

 eta bazeukan premiya,

 an zebillela izandu zuen

 tokamentu bat aundiya,

 lanian asko biartu gabe,

 izanda orren Indiya.

 5

 Antzan bezela billatu eta

 ekarriya dute andik,

 an partiera nola izantzan

 goguan degu oraindik,

 golfo guziya ujuka noski

 eziñ arturik txandik:

 -beti gu joka aida eta

 eramazute emendik.