Arrats atsegiņa
Aldabe, Joaquin
Ezkilla ari da geldi
gau erdi aldian.
ĄO zeņ ixill auzua.
dagon bitartian!
Xagu xar beltz banakak
egaka kalian,
ara ta onea dabiltz
illun potz beltzian.
Txaran, antxe arboletan
ta adarren gaņian,
negarrez dago untza'
negar samiņian.
Txori txikik atseden
dute babexian.
Lasaiki loean daude
epel-epelian.
Berriro ezkilla ari da
elizen torrian.
Illargia atera zaigu
arrats illunian.
Erreka, arkaitz tartetik
beti marmarrian,
badijua itsas aldea
illtzera azkenian.
Arrats ixill-ixillen
atsegiņ osuan
eguna igaro ezkeroz
gogotik lanian,
kirkirra abesten dago
zelai zabalian
mutill koskorrak lotan
dauden bitartian.
Berriro eguna dator;
ill da illargiya.
Mendi gallur garretik
dator agiriya,
izar dene errege
dis-dis iguzkiya.
Poztutzen du gizona
edertuz ludiya.
|