Maria'ren alaba naiz ni!
Loentxo
ALABAK
Maiatza agur, agur loriak,
Juan zaizkigu guziak;
¡Amatxo! ¿malkoz nola ez busti
Zure alaban begiak?
Gaurtik aurrera oi bezela
Zure etxera ez nator;
Banua ni ta, zori onean,
Egon zaitea Ama or.
AMAK
¿Zergaitik baña zaude negarrez
Begi guziak urtuaz?
Itxodon zazu apur batian
Negar malkuak kenduaz.
¡Ondo dakizu maite dan ura
Utzi bear dan garaian...
Utzi nai ez-ta utzi bearreko
Geza-miñezko ez-baian...
Galderatxo bat. ¿Maite al nazu?
¡Miña dirazu ematen!
¿Zergatik baña ondo jakiña
Dirazu neri galdetzen?
Nik dakitana aditu nai det
Zure mingañan itzetik,
Eta nundikan nazu ba maite
Jakin liteke ¡Biotzetik!
¿Nun asaltzen da maitasunan
Egia? nun? nun? Nekian.
¿Noizera arte iraungo dezu?
Bizitzak diraun guztian.
¿Etsai gaiztoa etortzen bada
Sakonak txistuz aizetzen?
Erantzuera badakit ondo
Datorrenari ematen.
Arrokeria esnatzen bada
Apaindurien larretan?
Oinperatuta utziko det nik
Nere oinpeko autsetan.
¿Belarrietara eldutzen bada
Lizunkerizko itzikan?
Itxiko dittut ez aditzeko
Loikerizko txintikan.
Dantza gaiztoko tokietara
Arin zuazen unian?
Ez naiz joan da, ezta joango
Alaba nazun artian.
Oroipen txarren imurtzietan.
Alperrik datoz nigana,
Naiz Maria'ren alaba eta
Juango naitzu zugana.
Loikerien zaletasuna
Etortzen zalla ez da ba.
Etortzen bada esango diot
¡Naiz Maria'ren alaba!
Esan guzia esan bezela
Baldin egiten badezu
Zere Amaren babes gozuan
Beti guziko zaude zu.
Agur Maiatza, agur loriak:
Bukatu dira guziak;
Pozez beterik arkitzen dira
Ama-alaben begiak.