Andre Maria'ri oroipena
Loentxo
Gora ta gora zeru aldera
Gogo sutsuaz begira,
Gau eta egun nere begiak
Aspertzen ere ez dira.
Antxen baitago nere etxia
Bizi tokirik onena,
Antxen baitauka nere biotzak
Ama denetan maitena.
Maite deguna dagon tokian,
Maite danaren onduan,
Atsegin oi da neketan ere
Maitia dala goguan.
Baņa maitia, maite izanda,
Arengandikan urruti...
Ai au, nekia kendu ezinda
Maite deguna buruti.
Maite nuana juan zitzaidan
Erbestetikan errira
Orrengatikan dauzkat begiak
Zerura gora begira.
