Itz-ontzia. Ipuia
Iturriaga, Agustin
IPUIA.
Paris-en eta beste
Erri andietan
Ikusi oi dirade
Asko karriketan,
Egunaz eta gabaz,
Gizon itz-ontziak
Jendez inguruturik
Daudela guztiak.
Batek an agiten du
Artzaren orrua,
Besteak or gabazko
Ontzaren kantua;
Azkenik beste batek
Arpegi berean
Farra eta negarra
Denbora batean,
Erakusten duela
Arpegia, ziņez,
Alde batetik farrez,
Bestetik negarrez.
Aien artean zan bat
Chikiratzallea,
Guztien gain gaņeko
Gurrinka gillea.
Chit jende-asko zeukan
Karrika buruan,
Aoak zabaldurik,
Bere inguruan.
Kapa andi batean
Zegoan bildurik,
Bultzaka, ezin leku
Iņolaz egiņik
Oju egiten zioten,
Fuera,fuera kapa,
Beldurrez zezakean
Zerbait ala tapa.
Kapa kendu ondoren
Gurriak egiten du,
Aiņ ongi, non jendea
Algaraz lertzen du.
Asten da bereala
Gurrinkari abilla
Chapela luzaturik
Bertan diru billa,
Eta mutiko batek
Dioke esaten,
Jokatuko diola
Gurrinka egiten.
Apostura egiņik
Biak dira asten
Karrikaren erdian
Gurrinkak egiten.
Aditu zutenean
Chikiratzallea,
Oju egiten dute
Len baņa obea;
Eta aditurika
Gero mutikoa
Fuera, fuera, esanaz
Jendea an dijoa.
Galtzarbe sare bat du
Mutillak agertzen,
Eta cherrikume bat
Dio erakusten,
Esaten dielarik,
Chimurchi batekin:
-"Ez nik, mutiko onek
"Dik gurrinka egin.
"Zuek diozutenez
"Chikiratzalleak
"Egindizkik gurrinkak
"Onek baņo obeak.
"Erriak bazinduzte
"Zuek buru zagi
"Ez uke justizia
"Ibilliko gaizki."
|