Erbiak eta igelak
Iturriaga, Agustin
Abarrotsak erbiak
ditu ikaratzen,
eta lasterka iges
asten dira joaten.
Anitz ikara aundi
baten ondorean,
beiñ esan omen zuten
elkarren artean
ikarak laborian
beti egotea,
egia esateko
ez da bizitzea;
Guazen emendik, guazen
zingira batera,
geren burua bota
eta itotzera.
¿Zertarako Jaikoak
ginduen erbiak,
egin mundu onetan
onen bildurtiak?
Aien golpearekin
guztiak batean,
sartu ziran igelak
ikarak loipean.
Ikusi zutenian
pesta au erbiak,
oien parean gaituk
soldadu aundiak,
esaten dute, eta
guztiak bertatik
irten ziran kanpora
zingira artatik.
Onela egiten da
gure suertea,
charragoen aldean
zan bañon obea.
|