Eiztaria eta zakurra
Iturriaga, Agustin de
«Pinto», erbi zakurra,
Txit zan eiztaria,
Beñere ez zitzaion
Faltatzen zauria;
Bazurdeen eizera
Zoan bakoitzean
Odola xeriola
Sartzen zan etxean.
Guztiz zartu zan «Pinto»,
Eta orregatik
Nausiak zerabillen
Eizaren ondotik.
Egun batez atzeman
Zuen basurdea,
Bañan ortzen artetik
Joan zan aberea.
Nausiak deitzen dio
Ojuka; «dak, dak, dak»
Arrapatzen du berriz,
Sartzen dizka ortzak.
Nola bere aldetik
Ez zan basatia,
Igesi joanagatik,
Mutill beldurtia,
Asten zaio muturka,
Eramanik griñak,
Eta sartzen diozka
Bere letagiñak.
Uzten dio zakurrak,
Iges egiten du
Zauriz besta «Pinto»
Guztia uztendu.
Nausiak arturik
Makil bat eskuan
Jotzen du bizkarrean,
Jotzen du buruan.
«Pinto» gaisoa dago
Lurrean etziñik
Negarrez deitzen:-Jauna,
Ez daukat indarrik:
Adiñ andiak dakar
Indarren galtzea,
Basurde ori berriz
Da guztiz gastea:
Sei urte gutxiago
Baldin banituke,
Ori eta beste bi
Nik ilko nituke.
Oroitu bear luke
Nere nagusiak
Oraindaño atzeman
Ditudan guztiak,
Il ditudala beti
Txiki eta andi
Eta egun batean
Ill nituela bi,
Baña gaur bakarrik da
Berorri oroitzen
Lenago zein nintzan ni,
Ez orain zein naizen.
Ongi ezan nezake,
Auxen bai paguai
¡Onen leial izana
Daukat nik damua!
¡Baiña! ez gaizki diot,
Zakurren jabeak,
Ez dirade guztiak
Onen ezkergeak!
Berorri bezelako
Nagusiagatik
Errepañak diola
Sinistatzen det nik:-
....................
«Ezkergabe etatik»
«Sekula guztian,»
«Ez esperatu ezer»
«Bazaude premian.»
|