Uztapide
Iturralde, Segundo
-I-
Gure Manuel Uztapide
ainbat maite deguna
zoriontsua benetan zu
jaio ziņaden eguna.
Lestuan jaio ta gero
etorria Oiartzuna.
Gizon jator ta apala
benetako euskalduna,
bertsolarien aita ta maixu
eta denen txapelduna,
Nork eztu gure errian
Uztapideren entzuna?
nola bertsotan ala gizatasunez
ezen akatsik etzuna,
ta anai maiteak orain eman
zaidazute erantzuna,
nork bete lezake berak
lagatako utsuna?
Gure erriak ezin ordaindu
zuk beragatik egin dezuna.
Artzazu orain gogo onez
emen eskeintzen zaizuna
ta jakin eibartarrak beti
zurekin dituzuna.
-II-
Uztapiden sortu zan bein
izar bat apartekua
beste izar danen gaiņetik
argi egitekua;
zerekin batera jaio zan
doai izpi berezkua,
zure bertsoak merezi luteke
letra apain urrezkua.
Ori litzake nere iritziz
gauz justu ta legezkua.
Nere esan naia ez dakit dan
egokia edo tajuzkua,
baiņan zurekin dira Bizkai ta Napar
Araba eta Gipuzkua;
Araba eta Gipuzkua;
ta ezin alde batera utzi
bidasoaz aruzkua.
An ta emen beti izan zera
pozik entzutekua,
gizonki ta jator beteaz
beti zure lekua.
Orregatik zan omenaldi au
zuri eskeintzekua
ta azkenik iritxi da garaia
alkar agurtzekua.
Agur zere emazte maite
ta agur Manuel biotzekua.