Ogei ta bat egun zituan

Iturralde, Segundo

 Ogeita bat egun zituan

 urte ontako uztaillak,

 biotz barruan gordetzeko

 ez diran egun zaillak,

 Euzkadi lurperatu nai ta

 artu ditu goi maillak,

 anai maiteak pentsa dezagun

 oraindik ez gaudela illak.

 Eun urte betetze au

 benetan degu tristia,

 besarkada paltso batekin

 gure erriari ateak iztia,

 ez da naikua orain zatika

 guri eskeintzia anistia,

 Euskal erriak nai duana da

 askatasun osoa iristia.

 Amaiketan biar zan mesa

 eman zan amabitan,

 atzerapen luzia egon zan

 kontrolaren aitzakitan,

 baño jende asko sartuzan,

 alderdi guzietatikan,

 ostu zizkiguten lege

 zarrak eskatzeagatikan.

 Beste milla asko bezela

 gure an izan giñanda,

 ta egin ederra pasature

 guk Bergarara joanda,

 edertasun au ikusi ezik

 sinistutzia oso lan da,

 lengo fueruak eskatzen

 lenegeuriak ziranda.

 Irurogeita zortzi erriko

 jaunak ziran agertuak,

 euren jaskera apaiñ

 ta ikurriñakin edertuak,

 alare gure anaiak ez dira

 Madrid orretan ulertuak,

 bizi guztian zigorka baiña

 oraindik ez dira aspertuak.

 Erriaren naia agertu zuan

 alkatiak bere itzetan,

 ta gu berari entzutean

 pozez ezti bitzetan,

 Aspillaga're beti bezela

 jator porta zan mesetan,

 pozaren pozez ez dakit esna

 edo ari nintzan emesetan.

 Erri batzuk palta ziranda

 penagarrizko utz une,

 biar edo etzi damutuko dire

 Batzar artara ez june,

 ezin ukatu au izan zala

 benetako referendune,

 ta ez oraiñ amar urte

 españarrak egin zendune.

 Ango ikurriñ ta gora diarrak

 sartzen ziran biotzetan,

 geuria eskatzen zanda

 zertan egon lotsetan,

 nor etzan egongo an ba

 biotz barrutik pozetan,

 berrogei urtian geunden da

 olako gauz baten gosetan.

 Euskadiñ jaiuak gerata

 nola ez maitatu euzkerik?

 Bista ederra baiña eziñ

 ikusi dute gurerik,

 Kanpotarrak emen agintzen

 orrek ez du itxurerik,

 Euzkadi da gure aberria ta

 ez degu bear besterik.