Enbeitari omena Astorian

Iturralde, S.

 Aurtengo otsaillaren iruan

 gure Donosti politian

 Bizkaiko Enbeita jatorran

 omena zala jakitian,

 Astoria izeneko antzokia

 zegon bete betian,

 berdiñ gabeko edertasun ura

 nere begiz ikustian

 esan nuen au leike bakarrik

 gure biotzeko Donostian.

 Esan bezela otsaillaren

 irugarrena zan da,

 juan gabe ezin gelditu,

 aiñ zalia izanda,

 baña sarrera eskuratzia

 osa erreza etzan da,

 askok, kanpuan gelditu bear

 aiñ urrutitik joanda,

 danontzako lekurik

 Astorian etzegoan da.

 Ango gauza asko gelditu

 zaizkit neri buruan

 Enbeita erdian ta amasei

 bertsolari inguruan,

 jai ederragorik egingo den

 ez nago seguruan,

 ango txalo otsa, ango zoriona

 ustez geundela zeruan,

 an entzun ezin zitunak

 ikas ditzala liburuan.

 Enbeita'tar Kepa zanak

 Bizkaiko urrentxindorrak,

 asitako lanak daramazki

 bere seme pizkorrak;

 ez du bildurtzen ekaizteak

 erriagatik pozik egingo du

 oso bide gogorrak,

 ez eta ere zigorrak,

 naiz ori betetzeko artu

 gure Balentin jatorrak.

 Oraindik itzal aundia

 du Bizkaiko aritzak,

 biotzez opa diot ez

 dezala artu gaitzak;

 biotzera sartu ziran

 Enbeitaren itzak,

 zenbat erakusten digun

 beraren bizitzak,

 illunpetik ateratzen gaitu

 bere argi printzak.

 Bidasoaz aruntz ta onuzko

 danok bat eziñez,

 an arkitu giñan danok

 Astorian sartu eziñez,

 sarrerik etzegoan da

 askok jakiñ ez,

 ta bertsolariak portatu ziran

 ateraldi zorrotz ta piñez,

 Astoria gañezkatu gendun

 entzule danon atsegiñez.