Eibar'ko Karmeldarren

Iturralde, Segundo

 Eibar'ko Karmeldarren

 eleiz santu ontan,

 beiñ da berriro emen

 nazute bertsotan,

 Peli goitik entzuten

 an dagolakotan,

 zeiñ gizon ona zan

 entzuna askotan,

 bera il zan Euzkadi

 askatzeko asmotan.

 Aiñ zan gizon zintzua

 zuzen ta jatorra,

 biotz zabalekua ta

 jelkide gogarra,

 zurekin oroitzia

 gauza derriorra,

 zure izena Eibaren

 ezin leike borra,

 berrogei urtian gendun

 meza onen zorra.

 Tiroz eraman zuten

 gure ingurutik,

 ta Peliñ izena eziñ

 kendu det burutik,

 etsaiai barka zion

 berak segurutik,

 Peli eta lagunak,

 denok goi zerutik

 aberriai lagundu

 egon dediñ zutik.