Usotxua
Iruņa'tar Alexander
Usotxua, usotxua
arin-arin dijoana,
laister egin, laister egin
aize-zear egaka.
Iparraldetik elduta
gure ozkarbian zagerz,
negu beltzaren otzatik
ego-aldera igeska.
Arren, arren, usotxua,
etzaitez jautsi beitira;
arizti itzaltsu oyetan
erne daude eiztariak.
Eta jautsi bezin laister,
burrunbada izugarrian,
lertuko dira batean
eun izkillu deungeak.
Begira lepo oyetara;
zenbait aldiz bereortan
usotxu zuri-urdiņak,
eldurik ego aurka,
egaltxuak birrindurik,
bulartxua zillatuta,
betbetan erori dira
gogabe irabioka.
Arren, arren usotxua,
etzaitez jautsi beitira,
arizti ta lepo oyetan
zure zai eriotza.
Laister egin, laister egin,
usotxu urdin eder orrek,
beti gora, beti gora,
ego aldera igeska.
Amaika aldiz, usotxu urdin
eder ori, abiatu
naiz lilluraren ortzean
zorunarontz egaka.
Baņan laister, ai, biotza
galenak urratu-eta,
uso bakuna bezala
erori naiz lurrera.
|