Oto zaharrari

Iratchet, Jean-Pierre

 1

 Bezpera baten biharamunian,

 Petik gora den patar batian,

 Tarrata

 Eta ratata

 Ene otoa

 Ezin berriz abian,

 Utzi nindukan ahalge gorrian,

 Bidearen, bidearen erdian.

 2

 Gure asto xaharrak lauzkaturik,

 Xuxentzaile bati eremanik,

 Harekin

 Hire tripari

 Zer ote hien

 Barnago behaturik,

 Gehiago ez hiela deus onik,

 Turrutak ere titirrit eginik.

 3

 Hogoi urtetan zaharregitia,

 Olio galtzen ere hasia,

 Hementxe

 Zer duk airian

 Eta hortxetan

 Herdoilak zilatia,

 Errota bes-ondo bat bihurtia,

 Kalakala, kalakala bertzia!

 4

 Burdin zaharketari batzueri

 Saldu hut orai bi arhen sari.

 Hail, hail, hail,

 Oto zaharra,

 Eta errakok

 Arotzen debruari

 Hire zazpi zaldi famatueri

 Eman dezan, eman dezan su gorri.

 5

 Hik errotetan soineko berriak

 Nik zapeta zolak higatiak,

 Ni beti

 Zerbaiten faltan

 Eman beharrez

 Hiri behar guziak,

 Pagatu eta hire berritziak,

 Moltsa zolak, moltsa zolak hustiak.

 6

 Hi gure etxerat jin aintzinian,

 Sos larri zonbait moltsa haundian,

 Geroztik

 Hire paperrak,

 Zer gertadurak,

 Pagaturik urtian,

 Hik edanaren saria ginian

 Gazitegi, gazitegi barnian.

 7

 Hiri emaiteko su eta pindar,

 Urtean saldu behar bi xingar,

 Et guk

 Egun jateko

 Xardin gorri bat

 Eta bira lur-sagar.

 Amari galdez baden zerbait undar,

 Badirela, badirela bi belhar.

 8

 Ez gituk ez halere samurtuko,

 Higatu ere hiz guretako,

 lbili

 Baigitik beti

 Guk ginituen

 Behar-orduetako,

 Gure nahirat ere joaiteko,

 Beti hintzan, beti hintzan meneko.

 9

 Hail beraz ixilik eta bakian,

 Ororena baita zahartzian,

 Ezinak

 Eta hil-minak

 Lan emankinak

 Agertzen direnian,

 Ahanzten die zer hintzan gaztian,

 Ondokoen, ondokoen artian.