inprimatu
Partidukeriaren ondorioak
Izenburua:
Partidukeriaren ondorioak
Sinadura:
Iraola, Rufino (Elorri-Arantza)
Urkizaren iruzkina:
Egilea(k):
Iraola, Rufino

Argitalpena:
Zeruko Argia.
Urtea:
1977
Argitalpenaren urtea:
Alea:
737.zk.
Orrialdea:
40

 

 

 

 

faksimilea ikusteko


Partidukeriaren ondorioak

 

Iraola, Rufino

 

 Manuel Matxain kezkati dago,

 hala dio bertsuetan;

 neronek ere badut fedea

 haren esan batzuetan;

 batzuek ari diran bitarte

 lan gogor, neketsuetan,

 beste batzuek erori dira

 demagogi faltsuetan.

 

 Nahiz partidu gehiegi egon

 errespetatzen dut hori,

 nola ez dagon opiniorik

 ukatzerikan inori,

 baina buruan sartu erazi

 nahi dizuet denori;

 zatikatzeak kalte egiten

 digula euskaldunori.

 

 Exenplu bat nik ipiniko dut

 arazo hau argitzeko,

 ahalik inork ez badu ere

 trapu zarrak garbitzeko;

 besteren lanak lurpera behar

 bera goian gelditzeko;

 artikulu bat publikatu da

 irain batekin hitzeko.

 

 "Punto y Hora"ko artikulu bat

 ez zait batere gustatu,

 kontu ahulak azaltzez gero

 zergatik tinta gastatu?.

 Berria eta gizonarekin

 ez zazutela jostatu,

 holako bromak lehenago're

 ez zaigu gutxi kostatu.

 

 Kintana horren hiztegia da

 apuntatzen den "blankoa",

 uzten bazaio Atxondo Jaunak

 moztuko dio lepoa;

 obra guzitan baldin badugu

 kritikan bezelakoa,

 pailazoekin baietz elkartu

 egingo nuke jokoa.

 

 Horren barruak egongo dira

 usteldu, eta lizunak,

 bestela nola esan lezazke

 zuri esaten dizunak;

 Kintana eta Miliki edo

 Fofo berdintzen ditunak

 nere iritziz txikigi ditu

 errota-harri pixunak.

 

 Hiztegi hori akats gabea

 denik nik ez dut esango,

 baina Atxondok jartzen dun bezain

 txarra ez al da izango;

 gero, hoberik ertetzen bada

 ez naiz zalantzaz egongo,

 binbitartean ez al genuke,

 ixilik ondo emango ?

 

 Partidu batzuk elkarren aurka

 ez da besterik funtsean,

 gutxieneko ixildutzea

 zegokigun gainuntzean;

 demagogiak iltze tikiz gu

 josten gaitu gurutzean,

 benetan dauden arrazoitatik

 bestetara urruntzean.

 

 Ikusten denez zein partidukin

 elkartzen zaren badaki

 eta edozer gauza esaten

 ez da batere erruki,

 barnean beste arrazoi batzuk

 ta hiztegia aitzaki,

 errespetoa ere behar da

 pixka, pixka bat eduki.

 

 Beste batzuek hitzegiten dute

 hontaz erdara garbian,

 jesus berbera balira gixan

 Apaiz Nausien erdian;

 nik bezain ongi badakizue

 horrelakoak zer dian:

 lotsa gutxi ta azal gogorra

 daukatenak aurpegian.

 

 Zuk buruhauste izugarria

 nonbait ematen diezu!

 dena kalteko izango al da

 piztu bada hoinbeste su?.

 bestalde, berriz, hoien esanek

 ez daukate hain bat pixu;

 edozein txori-malok ez gaitu

 jarriko zugandik izu.

 

 Partidurik ez dut defendatzen

 baizik gizona soilean,

 Kintana, gero, badugu norbait

 Jaunak! hizkuntza sailean,

 hark gauza batzuk egin ditula

 oso euskara zailean ?

 giltza guztiak ez dira beti

 sartzen ongi sarrailean.

 

 Orain poto bat egitea da

 gogok ematen ditana,

 eta nik ere blankotzat aizu!

 zu hartzen zaitut Kintana.

 "Cachondok" dio, barka, Achondok

 behar duela Quintana,

 zu bezelakoak izatekotan

 ipini hola: KINTANA.

 

 Horra zuk Matxain bidea eman

 nik bertso batzuk jartzeko,

 ta kofradian dagon guziak

 beretzat gogoz hartzeko;

 ez dut gogorik eztabaidatan

 beharrik gabe sartzeko,

 baina ni ez naiz egiagatik

 bildur batzukin txartzeko.

 


inprimatu