Ura, ura!

Iraola, V.

 -Martiñ, arrazoi dezu

 Eta zurekin naiz,

 Nik ere zuk bezela

 Eraten det chit maiz.

 ¡Aren preskotasuna

 Ain da gauza ona,

 Berak argitutzen da

 Frankotan gizona.

 ¡Zer guztua artzen dan

 ¡Eta ura ganga!

 Pototik eratian

 Zanga, zanga, zanga.

 Beti ezkaka nago

 Ura nai det, ura,

 Ez da gauza oberik

 Sortuko mundura.

 Beregana ainbeate

 Beiñ zaletu nintzan,

 Geroztik maite det, naiz

 Esponjik ez izan.

 ¿Eta zeiñ ez da iñoiz

 Egondu ikusten,

 Menditik irriztaran

 Iturrira jaizten,

 Bidea pasatuaz

 Chit pauso ariñez

 Dama lirañen gisa

 Segarak egiñez?

 Neri etzait pasatu

 Egun bat oraindik;

 Sei edo zazpi baso

 Ustu bage tanik.

 ¿Erramun ez aldezu

 Trago bat egin?

 -Gorrak saldutzen duen

 Ardua balitz bai.