Ollarra eta ontza
Iraola, V.
(Nere adiskide Juan Ignazio Uranga-ri Ordañak)
Eguanza baña lenaz esnatuta
diyo ollar gazte eder goiztiyak,
-¿zertan etzerate jaikitzen deituta
dizdiatzen badu argi berriyak?-
Ollar ernayaren kantu ederrikan
ontzak etzaben nai gogoz aditu,
ta eranzun diyo zulo batetikan
-Gezurra dek ori; ez dik argitu.-
Ontan agertu da eguzki ederra
urreztatzen mendi, zelai, basoak;
loracho samurrak agurtzen dutela
leyan bigalduaz usai gozoak.
Chori alegerak alaiturik ala
egaa lasterrian gora ta bera;
Ollar kantariya juan zan beriala
gau chori ichuen zulo aurrera.
-Alchari alperra; alchari ortikan;
agur sak eguna ¿ez dek aitzen ik?-
begiyak ichita diyo berritikan:
-Gezurra; gezurra; ez dek argirik.-
Ala badirade beren ontasurak.
biltzen dituztenak ¡ai! illunean,
baña argiyaren baliyotasunak
agurtzen dirade mundu danean.