Goguan zeukan
Iraola, V.
Miñ artutzeko bildurrik gabe
Joshe Pillipe Zimela,
amaseicho bat baso sagardoz
buztirik zaku sabela,
pozez dijua chilindronian
bote zarpaill bat berela,
esiak eta balantz ederrak
fiñ egiten ditubela.
Aiziak ere eche aldera
leyal bultzatzen dubela...
lasai dijua Joshe Pillipe
lasai galduta chapela.
Farrez algaraz arri begira
beste santu bat dagüela,
bere ondotik pasa zan batek
galdetu diyo onela.
-¿Zergatik zaude orri begira
farrez algaraz orrela?
-¿Farra zergatik egiten detan?
aituko deza berela,
gogoratziak bigar ni ere
orla egongo naizela.