Esamiñetako sariya

Iraola, V.

 Nik badakit arrazoiz

 kejatzen naizela;

 nik badakit mutillak

 kulpik ezdubela;

 baizikan gizon zital

 batek ditubela,

 eta petralkeri bat

 egiñ diratela.

 Zu ezbaziñan izan

 nerekiñ orrela,

 zital mengatzallia,

 charra ta ustela,

 ¿nork eramango ziyon

 sariya bestela?

 ¿Diyozu naizelako

 ni gizon zitala,

 esamiñetan ura,

 saritu etzala?

 Jakin zazu chit gaizki

 jolasten zerala

 eta zuk aña pena

 neronek derala,

 mutilla ez irtena

 desio bezela.

 ¿Nola uste dezu zuk

 burubartan ¡nola!

 itz bi sartzia gatik

 eraso niyola?

 Baña, ikusirikan

 nai arren iñola,

 golpeka ere sartzen

 ¡ai! etzitzayola,

 galdetu niyon gauza

 chit erres bat onla:

 ¿Okendo zer izantzan?

 eta beriala.

 jakintsu baten gisa

 egiñikan gala

 eta diyo: -¡Frailia

 izanduba zala!!

 ¡Eta zer! ¿Gizon ura

 etzan izan ala?