Au lana!

Iraola, V.

 Ni, zure begi zabaletara

 jarri nintzala begira,

 geyen geyena jo zagun eta

 bost illabete ezdira;

 kontentu zure eche atayan

 nik ezdakit zenbat jira

 eman ditudan, bada aiñ zuzen

 pechuben erdi ezdira,

 sartu ta senti asi ninduzun

 golpez alako mugira,

 geroztik poz ta samintasunak

 bertan burrukatzen dira.

 Chori chikiya egatutzian

 alien billa garira,

 alako pozez aliarekiñ

 ezta jiratzen kabira,

 nola ni juaten nintzan zu gana

 San Juan Chikiko zubira,

 errekachora, zelaira eta

 beyak biltzera mendira.

 Eta illuna barrian ñoiz

 Archuriko iturrira,

 nere begiyak josirik zure

 arpegi zuri gorrira

 ariñ pasias bide illuna

 begi beltz oyen argira,

 ala jiratzen giñan kontentu

 zuben basarri churira.

 Oraiñ ezkontzen jolas gayoyek

 ziñez esanak badira,

 zuk badakizu oyek neretzat

 kontu estubak baitira.

 Alare trantze orren meriyo

 gaur nere biyotz erira,

 ainbesteraño sartu dirazu

 zure ganuzko kupira,

 non ezkonduko nitzaken pozik

 emendikan egun bira,

 eta aiñ ziñez esaten dizut

 eznuke izango mira...

 lendabiziko egunen giza.

 beste guziyak balira.