inprimatu
Arzaigokia
Izenburua:
Arzaigokia
Sinadura:
Iraola, Bitoriano
Urkizaren iruzkina:
Egilea(k):
Iraola, Biktoriano

Argitalpena:
Euskal-Erria.
Urtea:
1886
Argitalpenaren urtea:
14
Alea:
Orrialdea:
221-223

 

 

 

 

faksimilea ikusteko


faksimilea ikusteko


faksimilea ikusteko


Arzaigokia

 

Iraola, Victoriano

 

 MARCHA.

 

 Ara arzayak, ara andreak,

 emen gera Donostiyan,

 iñauteriyaz kantatutzera

 gure izkera eztiyan:

 ez dira iru orri izango

 beren jatorrez agiyan,

 choku onekiñ konparatzeko

 zeru urdiñen azpiyan.

 

 ARZAI-KANTA.

 

 Arzai eta andreak

 menditik jachiyak,

 zer kontentu arkitzen

 geraden guziyak,

 pozez azaltzen zaigu

 malkua begiyan,

 ikusten geralako

 onla Donostiyan.

 

 Ona Aita Josepe

 danen buruzari,

 argitasun aundiyak

 zabaldutzen guri;

 Ama euskara onak

 nonbait ala naita,

 au da euskaldun denak

 maite degun Aita.

 

 Urrena jachitzian

 mendiyetan bera,

 zunentzat ekarriko

 degu gaztanbera;

 arrautzak ere kontuz

 gorderik sestuan,

 eta esne lodiya

 gañera kaikuban.

 

 Zuben ongi egiña

 aurtengo urtian,

 guk irukiko degu

 betiko gordian;

 gauza baliyosua

 dalako, isilik,

 giltzarekiñ bezela

 pechuban ichirik.

 

 EUSKARICHOA.

 

 Biyotzak zorionez

 gaur emen betiaz.

 kantatu zagun boinak

 aidian botiaz,

 gure oiturak onla

 maite ditugunak

 esanaz indar aundiz

 viva euskaldunak.

 

 ZORTZIKOA.

 

 Sartu geraneko gaur

 goizian errira,

 poza zabaldu zaigu

 pechuhen erdira;

 pasiaz eche eder

 ayeri begira,

 San Dizente kaletik

 Donosti berrira.

 

 Gipuzkoako plazan

 chit ongi jarriyak,

 daude arbol, loriak

 eta belardiyak,

 ¡ai! an baleude gure

 mendiko ardiyak,

 gasuak edertuko

 lirake guziyak.

 

 Donostiyan dirade

 paraje alayak.

 eche berri ederrak

 guztizko galayak;

 arboltegi politak

 kaliak lasayak,

 emen bizi litezke

 ederki arzayak.

 

 Aurten moldatu dira

 festak chit ederki,

 eziñ egiñ litezke

 iñola obeki:

 orri doatsu onek

 aiñ egoki daki,

 au ontarako dala

 mundubak badaki.

 


inprimatu