Arrazoya eta urrea
Iraola, V.
Arrokeriyan arrazoyari
aunditasuna kendu nayean,
leyatutzen zan urre jaun ori
gogorkiro ta seta charrean.
Inbiriya ta pozoikeria
izanik aren itzkuntz char ura,
eranzun ziyon:-Adiskidia
nai dezunian guazen pisura.
Beste itz gabe, biyak segiran
laister irtenik gogoz kalera,
pozkiro aundiz sayatu ziran
pisu justu bat arkitutzera.
Justiziyaren pisu leyala
izanik beti justu justua,
an arrazoya bear bezala
an azaldu zan pisuagua.
Baņa urreak billaukerian
eranzun ziyon setaz, etzala
pisatzallea aren ustian,
guztiz justua eta leyala.
Gizon zar zar bat maulez betea
eta gaņera diru zalea,
auzoan ura arkitu eta
ipiņi dute pisatzallea.
Kontatutzen da eman ziyola
an bakoitzari bere pisua...
baņa diyote orduan zala
urrea askoz pisuagua.