Gazte baten naigabeak
Iparragirre, X.
-1-
Belgikatikan idazten zendun
Euzko gudari gaztea.
Zure tokian jarrita noa
zerbait esaten astea.
Zeņen gogorra maitasun danak
ain urrutian uztea.
Zatitutako amodioa
nijoa gaur idaztea.
-2
Ogei urtetan asia nintzan
damatxo baten atzetik.
Bera neurekin pozez zebilen
nik maite nun biotzetik.
Suerte txarra izandu nuben
aldegin bear etxetik.
Neure biotza maite mindua
jakin zazute zergaitik.
-3-
Esan zidaten zer gertatu zan
ni onuntza etortzean.
Ain zeunden garbi nik argatikan
utzi zinduten etxean.
Neure erruak zuk ordaintzeko
asmotan eiņak etzian.
Neure biotza zatitu dute
zu astindu bakoitzean.
-4-
Nai zuten dana eginda gero
gainetik zuri esana.
Arren geiago ez alkartzeko
lengomate arengana.
Bildurrez zaude, bildurrez daude
zeure aita eta ama.
urrutietan naigabeturik
ainbat maite zinduana.
-5-
Esan zizuten egindakoak
isilikan gordetzeko.
Ez irakurri ta ez idatzi
neurekin ez oroitzeko.
Iges eiteaz gertu daudela
zedorren aita iltzeko.
Zure ateak itxita daude
maite zaitun arentzako.
-6-
Une danetan neure gogoa
egarriz dabil zugana.
Ta ziur nago neure maitea
nitzaz aztuko ez dana.
Zatitutako amodio au
osatzen badago lana.
Itxaropenik etzazu galdu
ene maitetxu laztana.
-7-
Gau eta egun jai eta aste
bakardade arrotzean.
Neke astunak buruan eta
naigabeak biotzean.
Taupada batek astindutzen nau
zurekin oroitutzean.
Maite neurea agertutzen zait
begi biak itxitzean.
-8-
Begira zazu lore gorririk
dagon zuen baratzian.
Baldin badago artu ezazu
zeure biotzan ertzian.
Zeure maitia laztantzen dezu
laztan eman bakoitzian.
Bere tokian ni jarriko naiz
ametsa egi biurtzean.