Gitarra joilea

Iparragirre

 1

 Gitarra txartxo bat det nik nere laguna,

 Orrela ibiltzen da artista Euskalduna;

 Egun batian pobre, bestietan jauna.

 Kantatzen pasatzen det nik beti eguna.

 2

 Naiz dala Italia, orobat Frantzia,

 Bietan billatu det milla malizia;

 Korritzen badet ere nik mundu guzia,

 Maitatutzen det beti Euskaldun erria.

 3

 Jaunak ematen badit neri osasuna,

 Oraindik izango det andregai bat ona;

 Nai badet frantzesa interesa duna,

 Bañan nik naiago det utsik euskalduna.

 4

 Adios Euskal-erria, ez bañan betiko,

 Bost-sei urte ontan ez det ikusiko!

 Jaunari eskatzen diot grazia emateko

 Lur maite ontan bizia uzteko.