Anzuolako batzarrari
Iparragirre, Jose MĒ
Nafarrak On Garcia
Errege zutela
Odolez estali zan
Bai Balde-Junkera.
Afrikanoak orruz-
Legoiak bezela
Zioten Kristau bizirik
Utzi bear ez zala.
Baņa Euskaldunak
Laurak-Bat aurrera!
Zioten: Fedeagatik
Danok ilko gera;
Jo... jo eta ez eman
Pauso bat atzera...
Gurea izan arte
Mairuen bandera.
Mutillak... ara non dan
Illargi erdia,
Arrapatu dezagun
Naiz galdu bizia:
Emen degu bandera
Upa, Euskal-erdia!
Eta Anzuolarentzat
Onra ta gloria.
San Juan Uzarragako
Seme chit argiak
Ziran Balde-Junkeran
Irabaz-lariak;
Batzar echean dauden
Illargi erdiak
Dira Anzuolarentzat
Chit onragarriak.
Esan adiskideak
Orduan bezela
Nafarrakin gaur ere
Anayak gerala:
Bat da gure izarra
Bat gure bandera
Esan beti Laurak-Bat
Izan nai degula.
|