Gipuzkoari omencho bat

Iñarra, Miguel Antonio

 Ezerk mundura begiratuta

 Poztu badu Jaungoikoa,

 Poztuerazi ura duena,

 Izandu da Gipuzkoa.

 Ala dala au ezta dudarik,

 Naiz Napolestarrak esan

 Zeruan dala leyo bakarra

 Ta ura ango gañean.

 Bada onara begiratzen du,

 Eta obra da señale,

 Ikusi naizik ezpagerade

 Ichutu ta egon zale.

 Ez beste leku obeetan ere,

 Ez Napolesen ezikan,

 Ezta emen aiteko Erlijiorik

 Basarri eta karrikan.

 ¿Ta esan du iñork ez dala ause

 Jainkoak begiratzea,

 Guzierako egiazkoan

 Erri bati iraunaztea?

 Eta Zerua ezpada egoten

 Pozez onlako erriari,

 Esan zazute bada orduan,

 ¿Zeñi egon da besteri?

 Aingeruchoak begiratuta

 Gipuzkoa ikustean,

 Farra egiten du, begigetatik

 Malkoak asi arrean.

 Eta oraindik dio, malkoak

 Chukatu baño lenago:

 Ause da erriya. ¡Paradisua!

 Beste onlakorik eztago.