Amaren negarrak ta seme galdua
Iñarra, Migel Antonio
Masall orietatik
Tanto eta tanto,
Ama zerengatika
Dariola dago?
Zerengatika dago,
Dana arandurik
Iñola ere eziñ
Iñondik pozturik?
¿Zer nai du egitea?
Ona emen semea
Poz aunditzat daukana
Ama alaitzea.
¿Agian egin diot...
Eman diot, Ama
Nik, nai-ez aundiren bat
Aiñ miñkorra dana?
¡Ama! ¿oraindik ere
Negar eta negar?...
Nork eragiten dion
Esan bezait azkar.
-Zuk, ¡ai nere semea!
Zure pekatuak,
Zure bizitza gaisto
Paregabekuak;
Oiek izandu dira;
T' oietaz gañera
Zuk negar egin bear
Ta far egitea.
-Aski da Ama, aski da,
Ez geiago egiñ,
Biurtuko naiz oraiñ
Bedorrena berdiñ;
Ez geiago gaizkirik,
Ill ere lenago
Berriz beste malko bat
Atera-zi baño.
Betor, Ama kutuna;
Neronen eskuak
Chukatzeko atera-zi
Dizkatan malkoak.
|