[Bertsotan]
Zeberio - Begiristain
ZEBERIO
Etxe-egintzan hasi ginaden
egun batean bi mutil,
baina daukaten sozioakin
ni ez nago oso trankil;
kasi kolpe bat jotzea baino
naiago luke bertan hil,
honek arreglatu behor nau ni
len justu baldin banabil
BEGIRISTAIN
Gure lanbide ibilaroak
ekartzen ditu flakezak,
esaten dute beti garela
horren langile eskasak.
Ah, Zeberio, hil azkenean
heltzen ez badira sosak
aztuko zaizkik aguro asko
andreganako jolasak.
ZEBERIO
Nire lagun hau nola bai dugun
langile parregarria,
ta azkenean ataunaldean
kontzejal dute jarria
hal bezelakoa baldin bada
hor duten talde berria
bi hilabete pasatzerako
jango digute herria.
BEGIRISTAIN
Arrazoirikon ez dakit duen,
honek atera du hitza,
elkarrarteko lanbide hortan
oso aldrebes gabiltza.
Nola arraio, ai Zeberio,
hola atera bizitza?
tripa laurdenik ez zuen behar
langile fina balitze.