Peio Harignordoqui apeza

Harinordoki, Jean L. (Laka)

 1

 Baigorrin sortu eta Baigorrin hazia

 Pairamenaren bortxaz onerat hezia

 Bortitz izan baitzauzu gaztean bizia,

 Peio, goxa zaitzala Jaunaren graziak.

 2

 Hazparnen, Uztaritzen, berdin Ezpeletan

 Predikari ibili zira herrietan;

 Fedea azkarra zen lengo denboretan

 Hain kartsu izan bedi oraiko gaztetan.

 3

 Apez gazteak guti dira zorigaitzez,

 Zerua estali da zonbait lano beltzez;

 Herria ez dadien huts zerbitzariez

 Aita Peio lagundu gaitzazu otoitzez.

 4

 Ez duzu ebatsia egungo omena

 Baigorri hemen duzu maite zaituena;

 Bakezale balira zu bezala denak,

 Kasatuko litaizke mundu huntan penak.