Zure maitalea. Kristo Lezo'koa
Zubigar
Lezo, erri xar eta txikia
autu zuala etxetzat
Kristo Deun eta Alaztun arek,
egiz dirudi ametsa.
Ametsa baño ez dirudi, ez
baña ez izan ordea
ta antxe daukagu gaur zorionez
euskaldun danen Jabea.
Geren erruaz dago bertantxe
illze gogorrez josia
¡¡eta ala ere ematen digu
egoki zaigun guzia!!
Uraxe degu ludi onetan
osalaririk onena
ziaro kentzen ditubelako
gaxotasun ta obenak.
Alatz aundiak ein ditubela
Gurutzetikan askotan
garbi dakusgu juatean beti
Beraren eliz ormetan
Bertan dakusgu zintzur, oñ, beso,
saietz-ezur irudiak,
Galtzar-makil ta bete tresna asko
sendatu ta antxe utziak
Berari dira zuzentzen beti
gaizdun, lange ta txiroak
beren zoritxar neurrigabean
arindu ditzan gaxoak.
Berari dira zuzentzen beti
arrantzale, nekazari...
nai dulelako, beren lanetan
Uraxe izan Zaindari.
Berari dira zuzentzen beti
auzpezturik an, oñetan,
ama xamurrak, beren semeak
gudatean zaindu ditzan.
Berari dira zuzentzen beti
begi malkodun bustiaz
zerbait nai duten garai estuan
kistar ziñestun guztiak.
Biotz biguñaz, oso legunki,
xamur, zaiona eskatzen
berealaxe, zalantza gabe
Gurutzetik du ematen.
Bizkai, Gipuzko, Araba, Napar,
Zubero eta Lapurdi,
Lezon dakusgu Bere egunean
zuzentzen zerbait eskari.
***
Siniste aundi-aundia dauka
Euskalerriak Zuregan
sinistatzeko ainbeste gauza
dituzulako zuk eman
¡O, Kristo Deuna: artu biotzan,
Zurean josi benetan
ta azken orduan... lanak egin-ta
nazazu arren eraman!