¡Agur zuaitz ederra!

Zubigar

     Etxe aurrean ementxe daukat

         zutik zuaitza

     beti pozkiro euki duana

         nere biotza.

 Alai egon izan da

 nere ataria

 zuaitzari sortzean

 orri ugaria

 etortzen zalako orri

 tartera txoria

 Jarri naiean pozez

 an, bere kabia.

 Egun sentian nuan

 oetik nabaitzen

 nere zuaitz gañean

 txoritxoa abesten

 ura zan pozgarria,

 ez nintzan aspertzen

 abesti samur aiek

 oetik entzuten.

 Baña aurten... aurten ez da

 orrela gertatu

 orririk etzaio-ta

 adarretan sortu,

 beaz zuaitz maite au

 zaidalako igartu

 ¡¡Udaberrian ez nau

 txoriak ikertu!!

 Zuaitz asko etziran

 ez, onen ederrak;

 orri orlegiz beti

 beteak adarrak

 idukitzen zituan

 baña txit igarrak

 jai arazi dizka

 aurten zoritxarrak.

     ¡Etxe aurrean ementxe daukat

         alperrik zuaitza

     Jarri arazten dedana orain

         negarrez biotza!...