Maite det ARGIA

Iruzubi

 Zorion agur ta ongi etorria

 eskeintzen dizut zuri ARGIA

 amabigarrren jaioteguna

 izan dezazun guztiz zoruna

  Agur ARGIA

  goralgarria.

 Iturritxotik ura bezela

 poza datorkit gaur biotzera

 ta beragatik nago zoratzen

 zure izena beti goratzen

  ¡Gora ARGIA

  izparringia!

 Leyatsu bada ardi gosea

 soroetako belar ezeaz

 berdiñ dauzkat nik biotz-begiak

 zure etorreraren zai jarriak

  Atoz ARGIA

  ¡maitagarria!

 Bildotsak ardi esnea baño

 maitego zaitut nik oraindaño

 zu gabetanik ezin det etsi

 ¿zuk ere ez gero nolaz utzi?

  Zaindu ARGIA

  nere erria.

 Lur artaztuak euria baño

 geiago oraindik ill arteraño

 maiteko zaitut ¡euri gozoa!

 zuretzat daukat biotz osoa

  Nere ogia

  zeran ARGIA.

 Ekaitz ondoko eguzki printzak

 atsegingarri dira danontzat

 berdintzen ditu ordea ARGIA'k

 eguzki printza disdizariak.

  Onagarria

  zera ARGIA.

 Ez du erleak iñon lorerik

 nik ARGIA ainbat maite duanik

 benetan bada gozo zalea

 naiago det nik zure elea

  izkuntz garbia

  dezun ARGIA.

 Ke zulo bat lez bere begiak

 txol illun zeuzkan gure aberriak

 zorionean zu jaio ziñan

 bada zu gabe ¿ze izango giñan?

  Garbitasunen

  iturbegia

  Zuk pixtu dezu

  Euskal erria.