Leio gañeko kaia
Iruzuri
Enara kabiz eta zugaitzez
inguratua bizi naiz,
ta egun sentian iñolaz ere
lotan ni egon ezin naiz.
Nere logelan leio gañean
enara dago abeslari,
kabian dauzka iru umetxo,
begira nago berari.
¡O egun senti erelaria!
¡Mota askotako abestiak
dituzu ekartzen poztutze arren
lo gelan gauden guztiak!
Nik ere ementxen egin nizun bein
kabi gozoa neretzat,
ta izandu ditu iru umetxo
Goiko Jaun altsuarentzat.
Ementxen nago enarakin bat
umetxoen ezilari,
ogi koxkorra ezin ekarririk
auko xulora obeiri
Ez astu, nere enaratxoa,
egun sentiko abestiak,
Jaunaren laguntz aundiarekin
ditugu asiko guztiak.