Jaizkibel mendi
Iruzubi
Jaizkibel mendi oņean zauden txoko maite ta kutuna
eguzkiaren indar-argia maiz zerekin daukazuna
urtero beti garai onetan guztiz gaituzu poztutzen
Kisto Donea Jaun ta jabea guziok degu goratzen.
Jaizkibel mendi gaņean dauden borda zarreko ardiak
bakarrik laga ta etortzen dira ingurutako artzaiak
eskil ots deia urrutiraņo diote elizak ezkeintzen
eta artzaia goi-urrutitik zaigu elizara jexten.
Arkume, ardi, ta betixuen joale soņu alaiak
poztutzen ditu erri inguru mendi tontor ta zelaiak
pozaren pozez irrikatzen da artzaitxoaren biotza
zoriontsua egin dalako arkumearen jaiotzaz.
Ni ere pozik juango nitzake Jaizkibel'era igesi
nai nukelako bildotx txikien ille kizkurra ikusi
baņo etxetik maiz ikusten det Jaizkibel mendi gallurra
goizean jeiki ta egiten diot pozez beterik agurra.
Uda berriko mendi-zelaiak ikustean nere etxetik
irri parrezka jartxen naute ĄO! Kirtxoak barrutitik,
Zoraturikan bizi naiz beti txoko euskaldun onetan
ikusirikan baztar guziak ager dirala loretan.
Artzai onaren irrintzi alaiak itxasora irixten dira
ta itxasoaren dirdirakoak erantzuten du mendira
Oek gaituzte pozkiro jartzen negarrez gauden sendiak
kukuen abots zoli-gozoak itxaso, eta mendiak.
ĄJaizkibel mendi alaiak!