Argia'ri maitasunez
Iruzubi
Ni; zure irakurlea,
loretara lez erlea,
usai gozora atsegin-pozez
nator zure gose.
Zu zera itxas barea,
nere aberriko lorea,
euskal basoko zugaitz zangarra,
euskera bakarra.
Ederra zera benetan,
bikaña euskal gaietan,
politak eta ikusgarriak
dira zure orriak.
"Aitor"en izkuntz aratza
da zure azi aberatsa,
euskera maite berdin gabea
¡euskera nerea!
Zure eusko argazkiak
ederrak dira guztiak
aizkora joku, dantza, arraunlari
eta pelotari,
errietako feriak
zekor, bei, idi, txerriak,
gure baserri atsegintsuak,
¡txoko paketsuak!
Gaztea ta jakintsua;
yayoa ta indartsua,
edertasunez arrigarria
zera zu, ARGIA.
Zure gaurko jantzi-soña
txit gelgarri da apaña,
lauso gabeko jantzi berria,
¡eusko oñarria!
Aurrak bularra bezela
nere janari zu zera,
bada orrengatik beti zure zai
nago aste ta jai.
Oitura garbi ta izkuntzaz
eziñ aspertu naiz zutaz
¿aldezu bada ezer kutsurik
euskera besterik?
Euskera det geyen maite,
euskera beti ill arte,
erdel kutsurik beiñe ere ez det nai
¡baño euskera bai!
Euskeraz beti itz egiñ
bera ospatutzen al-egiñ
GORA EUSKERA aintzagarria
ta gora ARGIA.
|