Anastasio zanari biotzez
Iruzubi (Daniel Garbizu)
-1-
Kopeta arunt itzaldu zaidak
itzik ez berriz mingañak
odol guztia txol jelatua
ik eman dioken miñak
otz ikara-ta-eziñ egona
berri txar batek egiñak
biotza berriz lertu ziaken
ire eriotz Samiñak.
-2-
Esan diaken «aspaldi Xamar»
abilela ondo ezik
ez niken uste egun arretan
gaur arkitzea il otzik
ona baitzan neguzitalak
ez dik izan ire antzik
jela-ta elurrak gizonarentzat
ez baidaukate biotzik.
-3-
Gizon apala lagun zintzoa
Jaungoiko legez betea
irabazi duk idekitzea
zeruetako atea
al guztidunak na izan beza
zuzen bere gan joatea
bere alboan izan dezaken
beti-betiko pakea.
-4-
Laxter geniken uda berria
apaidurikan zelaiak
maripox-eta lore poz-garri
txori-abesti alaiak
edertasun au dana utzita
deitu ziken il garaiak
leku obea emate arren
erukitsuaren deiak.
-5-
Alargun eta seme alabak
gañerako sendikoak
naigabe danak arindu bitza
gure jabe dan Jainkoak
erruki Jauna guztiogatik
ez aztu gaur ildakoak
barkatu gure uts-egiteak
legortu gure malkoak.
Alaitu bitez gure biotzak
uda berrien antzera
Jaunak Martari esana dauka
pixtuko dala ostera.