Andre Karmen'i eun urte betetzean
Garbi
Eun urteko amona Karmen
Andre alai ta pizkorra:
¡Auxe bai dala euskaldun utsa
Gorputz-animez jatorra!
Goiz guzietan Jaunarengana
Kristau onaren antzera
Kardaberaz'en liburutxotik
Goi-eskerrak eskatzera.
Meza entzun ta otoitz egiñaz
Egunero Jaunartzera:
Bere anima poztu ondoren
Elizatikan etxera.
Beti langille, beti ongille
¡Badakite, bai, pobreak!
¡Amaika aldiz lagundu die
Amona Karmen maiteak!
San Bizente'ren Bazkun-bitartez
Beartsu, gaxo, eriak
Karmen'en eskuz artu dituzte
Eskupeko ugariak.
Eleizak ere beregan ditu
Emaitz oroipengarriak
Esku-zabalez maiz bialdurik
Amona maitagarriak.
Ainbat urtean zorion asko
Zabaldu dezu erriyan,
Orregatikan orain zauzkate
Guziak biotz-erdiyan.
Zorion-agur asko izan dezu
Nerea baño lenago
Bañan ez dezu sutsuagorik
Beste bat noski izango.
Inguru ontan zu bezin zârrik
Iñor besterik ez dago
¡Gora ta gora, amona Karmen
Guziak baño gorago!