Prantxiskiñaziri
Galai batek
Ezurrak eta azala dira
Zugan dituzun guziak
Mamiak nunbait ondo gordeta
Jaietarako utziak
Jaian baraurik egoten zera
Astian berriz gosiak
Milla mesede egiten dizu
Gerrian dezun korsiak.
Dudarik gabe izango ziñan
Zu emakume ederra
Porru-salda ta sardiña zarrak
Izan balute indarra
Baña aizeak gora ta bera
Gero tirri eta tarra
Zuri begira jarri ezkero
¿Nork eztu egingo parra?
Linajeko zeralakoan
¡Ai au pantasi modua!
Aitatutzeko ere eztakit
Nola daukazun gogua
Aita-aldetik ijitoa ta
Amarenetik morua
Aditzen duten danak esango
Dute zerala zorua.