Mattinen omenaldia Miarritzen

Fermin [Imaz, Fermin ?]

 1

 Mila bederatzi ehun eta hirur'hogoi t'hamazazpi

 Euskal omenaldi bat aipatu nai nuke partikulazki.

 Aheztar Mattin koblariari ertea ez laike gaizki

 Zor diogun estimuarentzat ez da egin besta aski!

 2

 Gauza bat ongi hantxet entzun dut berak bertsutan erranik,

 «Kasu hoietan agertzeh dela maitale ainitz badenik»...

 Etzaut batere iduritzen hor gauzak dagotzin zuzenik,

 Euskal-Herrian ote da Mattin malte ez duen gizonik.

 3

 Aldiz «Euskal-Jai», bane hortako jendea kusi ondoan

 Miarritzen ez zaut kanbiatu lehen nuena gogoan.

 Iparraldean euskaldungoaz ez gira arta beroan,

 Barnea ongi beteko baitzen izan balitz Gipuzkoan!

 4

 Jende gutixko izanik ere bazuen koblari lagun

 Sasoin-gaitzeko bertsulariak denak baitziren ezagun

 Han egin dutan pentsaketa heu gogoan dut berriz egun

 Bertsolaritzak gure Euskara salbaraziko deraukun?

 5

 Bertsolaritza agertu zeraut arras joko kuriosa

 Eta Mattinek joko zail hori beretua dauka ontsa

 Gure hizkuntza maitearentzat zer zerbitzu baliosa

 Bertze mintzairek aldiz galdua dute bertsolari hatsa!

 6

 Zure omore on hori, Mattin, zeraut hain estimagarri

 Euskal-Herrian egin arazten baituzu hameka irri.

 Zu bezain gizon atseginik ez kusten karriketan kurri

 Bertzer emaiten duzun plazerran hartzen al duzu hazkurri?

 7

 Zorigaitzez hor, badira ainitz Baionan ta Miarritzen

 Euskaraz eta, zure dohainez... ez dakite baliatzen.

 Bertsuzaleek bide on hortan jakin bezate segitzen

 Besta berri bat zuri eskainiz bainan bertzean Ahetzen!