Koxe-Mari-en bekatua
Fermin [Imaz, Fermin?]
1
Lehengoan entzuna dugu Koxe-Mari
Hauk oraino euskaraz errex zaizko ari
Frantsesez mintzo etxean aiaberi
Eta hargatik zaiku arras bitxikeri
Alaben gidari
Nahi badu jarri
Lotuz erdarari
Hauxe da komedi!
Eta baita euskaldunen kargua hori... (bis)
2
Gizona, baditutzu berroi't-hamar urte
Beti euskaraz mintzatu orai arte
Eta alaben gatik gaur frantsesez haste
Etxeak gal lezake bere begitarte
Ez duzuia uste
Mintzairak nahaste
Gal dela bertute
Haur hoientzat kalte?
Ala zure burua ez duzu maite?
3
Erdararentzat dute denbora osoa
Frantsesez eginak dira gehien auzoak
Eta zuk entzun zazu nere abisua
Etzaitela bilaka bet-betan lausua
Bazterrerat zoaz
Eginik pausua
Hola ez zintzoa
Euskara gaizoak
Neretzat bertzelako dauka gozoa!
4
Frantsesez haizeak badu bazterretik jotzen
Guri da jakitea ihardokitzen
Gutiz gehienak gaitu hurbildik hunkitzen
Arrano zahar hori, ahulenak biltzen...
Euskara ukatzen
Nola nai trukatzen
Etzabiltza zuzen
Erranen dut ozen
Hola duzula zure arima saltzen...
5
Tentazione tzar bat dagola gordea
Erdalduna nagusi ez da ordea
Kasu huni dezagun kausitu aldea
Hizkuntzak errespetu batena galdea
Badago moldea
Parerik gabea
Utz nori berea
Ainitzez hobea
Euskarazko eskola, ai zer lorea!
6
Egonak girelakotz soberaxko bano
Egun Euskal-Herrian badago lano
Xahu girela ez guk pentsa egundaino
Borrokatuko gira odolik duguno
Izan gaiten laņo
Egintzetan sano
Ez gira zimino
Gizonak oraino
Norbait gira euskaldun zintzo gaudeno!