Bertsularia

Fermin [Imaz, Fermin]

 1

 Bertsulariak bere aldetik izartua du bizia,

 Erran nah! dut baduela hor bere esperientzia;

 Ateraldiak gehienetan ditu dena zuhurtzia,

 Hots errespetu eder batekin izaitea du jauntzia!...

 2

 Berezitasun atsegina du nola agertzen den kantuz

 Ateraldiak apaintzen ditu direlakotz denak bertsuz;

 Indar haundi bat senditzen zaio omore onari buruz

 Bere erneaz bazterrak oro pixten ditu mirakuiluz!

 3

 Bere gaietan mamia badu, guzientzat altxagarri,

 Jendeak ere errexki dio senditzen bihotz bat horri;

 Beharrientzat hain goxo eta arrazoin interesgarri,

 Bat entzun eta bertzearentzat berriz gelditzen egarri!

 4

 Gure hizkuntza berenaz dugu hain eder eta aberats,

 Nola ditaike bertsutan baino garbiago ager-araz?

 Euskal-Herrian bertsularia «izar» bat dugu menturaz,

 Gure nortasun begiratzeko axola gaiten euskaraz!