Artzain-zakurrak

Fermin [Imaz, Fermin?]

 1

 Bizian jiten dira hola plazer batzu

 Artzainen ofizioa gustagarri duzu

 Ardi, bildots, zikiro ernari ta antzu

 Xakur batekin aise gobernatzen tutzu.

 2

 Laguntzaile ona du xakurra artzainak

 Hunek baliatzen tu horrek tuen zainak

 Balentriz «mutil» horrek egiten tu lanak

 Bakarrikan bi zango baititu gizonak!

 3

 Mendiko bide hoiek ez dira laburrak

 Hainbertze lacer ditu egiten zakurrak

 Denak kondatzen berriz, bai artzain zuhurrak

 Ardi batzu prestuak, bertziak ñapurrak...

 4

 Hiritar horik berriz bat batean kurios

 Nola artzainak diren agertzen lorios

 Mendiko lan pollitaz beren buruak uros

 Besta pixkat eiteko elkarrekin ados!