inprimatu
Aita Donostia-ren eguna
Izenburua:
Aita Donostia-ren eguna
Sinadura:
Fermin [Imaz, Fermin ?]
Urkizaren iruzkina:
Egilea(k):
Imaz, Fermin

Argitalpena:
Herria.
Urtea:
1986
Argitalpenaren urtea:
Alea:
1875.zk.
Orrialdea:
5

Aita Donostia-ren eguna

 

Fermin [Imaz, Fermin]

 

 1

 

 Besta goxo eder batez doa egungo zatia

 Azkainek du omendua aurten Aita Donostia

 Goratuz gure musika eta kanta edo abestia

 Alor hoietan bera izan zen egiazko iguzkia!

 

 2

 

 Ehun urte duela gaur zen Donostian sortua

 Jainkoaren deiez gero kaputxinotan sartua

 Espainiako gerla denboran ihesgorat behartua

 Anai izanik beharrik hemen atseginez onartua.

 

 3

 

 Urte batzuez Azkainen ukanik bere egoitza

 Jainkoa ta Herria-re hortik zetzazken zerbitza

 Kantu ta doñu xahar biltzeak edertzen zion bizitza

 Altxor hortarik behar zuela gero nasaitu emaitza.

 

 4

 

 Baliatuz gisa hortan bai denbora iragana

 Urrundikan tiratua zuken obrarentzat plana

 Berak zakien nundik zer zaindu eta nundikan zer asma

 Musikan ez da nolanai biltzen asmatzaile haundi fama!

 

 5

 

 Araberako izan da eskaini zaion eguna

 Euskal-Telebixtarekin lehen meza euskalduna

 Gero pilota eta dantzari beti kultur oihartzuna

 «Donosti-Ereski» kantariekin, gaindika goxotasuna...

 

 6

 

 Iheslari ohiek hor hartu dute-re partea

 Hain gustora etorriak, ta alai begitartea

 Jaun auzapezak mintzaldi batez agertu ikustatea

 Bazkari onak dudarik gabe sustatuz lagun-artea!

 

 7

 

 Euskal Herri hunek lehen ere hainbat sofriturik

 Iheslari eta guzi gaur ez aldatu modurik

 Oraino bada faltarik gabe bainbertze preso sarturik

 Kezketan nago ez ote daiken hoitan «Aita-Donostirik»?

 

 8

 

 Omenaldi egunak du eman here zoriona

 Gerorako ere zainduz berdin ondorio ona

 Alde batetikgorets dezagun anaien elkartasuna

 Bai-ta-re gorets euskaldungoa markatu duten gizonak!


inprimatu