Orra ill!

E'tar J.J.

 Euzkeraren EGUZKIA

 Laster urtengo da

 Bere ARGIA oraintxe

 Zabaltzen asi da!...

 ***

 "Eguntxo baten ¡zorigaiztoan!

 gudara deitu ginduzten...

 Ordutikantxe asi giñan gu

 anaiak ainbat maitatzen...

 anaiak ainbat maitatzen...

 Etzait aztuko menditik bera

 gu jetxi giñan orduan...

 Amak negarrez... auzoak triste...

 eguzkirik ez zeruan...

 eguzkirik ez zeruan...

 Agur amatxo! Agur anaiak!

 Agur bai zuri, maitia!

 Agur aitaren aitonak ere

 azi dituzun etxia...

 azi dituzun etxia...

 Agur zuen, inguruetan,

 zutik zaudeten mendiak...

 Agur berriro, sakonetatik

 mar-mar zoazten ibaiak...

 mar-mar zoazten ibaiak...

 Geroxeago... aldendu giñan...

 malko bat jauziz begitik...

 ¡Ikusi arte! Oiu egiñaz

 zelai barrengo bidetik...

             * * *

 Bidetxo baten ertzian

 Lo dagonaren antzian

 Luze luzerik lurrian

 Bere odolen gañian

 Orra orain or... illotzik

 Nik nuan lagun maitia!...