ĄOrra ill!
E'tar J.J.
Bidetxo baten ertzian
Lo dagonaren antzian
Luze luzerik lurrian
Bere odolen gaņian
Ora nun dagon illotzik
Nik nuan lagun maitia...!
Urte batian jaioak ginan, mendi bereak aziak
Elkarri parrez begira daude bion baserri txuriak
bion baserri txuriak...
Eguntxo baten Ązorigaiztoan! gudara deitu ginduzten...
Ordutikantxe asi giņan gu anaiak ainbat maitatzen...
anaiak ainbat maitatzen,,.
Etzait aztuko menditik bera gu jetxi giņan orduan...
Amak negarrez... auzoak triste... eguzkirik ez zeruan..
eguzkirik ez zeruan...
Agur Arnatxo! Agur anaiak! Agur bai zuri, maitia!
Agur aitaren aitonak ere azi dituzun etxia...
azi dituzun etxia...
Agur zuen, inguruetan, zutik zaudeten mendiak...
Agur berriro, sakonetatik mar mar zoazten ibaiak...
mar mar zoazten ibaiak...
Geroxeago... aldendu giņan... malko bat jauziz begitik...
ĄIkusi arte! Oiu egiņaz zelai barrengo bidetik...
Bidetxo baten ertzian
Lo dagonaren antzian
Luze-luzerik lurrian
Bere odolen gaņian
Orra orain or... illotzik
Nik nuan lagun maitia...!
Zoco El-Arbaa, 25. Ilbeltza, 1922.
