Pasaiko zezenak. (Gure sarrera)
E.
Udara-erdi garayan,
zezenak ziran Pasayan,
toki eder ta lasayan.
Bi zezen ziran joka bearrak
erri maitegarri artan:
Soñu ederra-re plazan;
gaztiak eroki dantzan:
pranko ixkamilla bazan!
Zezen-jokaliak, zortzi:
geon artean berezi,
Antton Ixkiña lenbizi:
Pello Espain ta bere anaya,
Tutulux, Bertix, Urrexti,
Makario Saltxax ta Gexi;
plazan ginduzten sarrezi,
ateratzeko igesi.
Txibirixkuak erre-ta,
jo zutenian tronpeta
asi zan zezen-olgeta.
Lenbizikoa, adar motxa zan,
illuna zuen kopeta,
ta amorraziyoz bete-ta,
adar-jotzerik nai ez-ta,
eraso gindun koskeka!
Ojuz erre zan Ixkiña:
etzala tratu-egiña,
zezen txar baten agiña:
bera bazala edozein zezen
ezpataz iltzeko dina;
etzala berdel urdiña,
edo Pasaiko txardiña
koskez jateko gordiña.
"Ez naiz Pasaira etorri,
lotzaren-lotzaren gorri,
zezen orrentzat azkorri.
Alkate jauna ez bezait neri
adar motzikan igorri;
sar beza zezen txar ori,
bestela ez dabil jatorri,
gure ustetan, bedorri."
Ori esanaz batera,
bota ziyoten platera,
sudur-zuluen gañera.
Zauritu zuten!... Ez noa gogoz,
bertso abetan aurrera:
orra ba, egi ber-bera,
gure Pasaiko sarrera...
Ez gera joango-ostera!
Plater maltzurraren urren,
gure gañera zetorren,
lurrak zer eman lezaken:
tipula, porru, piper galantak
aza-kondarraren txorten...
Tximisten eraz, lenbaillen
itzul egin nai genuen...
bertan ebaindu ginduzten!
Ez zirrikitu ta ez ate,
etzan iñondikan antxe,
itzul egiteko tarte.
Bañan zezenak salto egin-da
goiko barrerak ainbeste,
orduan, naste-borraste,
ez giñan itzulkaz ase
Lezo'ko Elizara arte!
|