inprimatu
Zorionak Euskadi!
Izenburua:
Zorionak Euskadi!
Sinadura:
Etxezarreta, Jesus M. (Izazpi)
Urkizaren iruzkina:
()
Egilea(k):
Etxezarreta, Jesus Maria

Argitalpena:
Zeruko Argia.
Urtea:
1979
Argitalpenaren urtea:
Alea:
831.zk.
Orrialdea:
40

 

 

 

 

faksimilea ikusteko


Zorionak Euskadi!

 

Izazpik

 

 1

 

 Lau pistolero ote ginan da,

 hau da sustoa herrian!

 Hainbat gudari nundikan sortu

 ote dira aberrian?

 Gauza bat garbi agertzen zaigu

 oraingo muestra berrian,

 hagin da hortzak nork erakutsi

 badala Euskalerrian.

 

 2

 

 Gudari asko arkitzen ziren

 aspaldian hain umilak,

 Espainiáko kalabozotan

 barrutikan erdi hilak.

 Aberri zale ikusitzean

 honelako jende pilak,

 hau dek barrengo lasaitasuna

 hartu dutena, mutilak!!!

 

 3

 

 Madril aldean jarri direla

 denak beldurrez aidean,

 gorroto biziz zebiltzatenak

 gu zapaltzeko idean.

 Ixpilu txarra ikusi dute

 oraingo hauteskundean,

 gaur edo behar askatutzeko

 jarri garela bidean.

 

 4

 

 Nabaitu dute ez geradela

 inozente bat edo bi,

 baizik herriak boto hoietaz

 agertzen duena garbi.

 Horrek dakarren buruko mina

 jendeak ikusi bedi,

 bide hortatik jarraitzen badu

 libratuko da Euskadi.

 

 5

 

 Haziak hilda ondoren datoz

 landare eta gariak,

 horregatikan hauek dirade

 heriotz haien sariak.

 Ikusirikan landaretxuak

 datozela ugariak,

 seguru gaude etziradela

 alperrik hil gudariak.

 

 6

 

 Monzon hor dugu kartzelan preso

 lehengo guda-mutila,

 Euskal fedean gogor da tinko,

 dirudiela jentila.

 Gorrotoaren espetxe hortan

 zaduzkate erdi-hila,

 Zu geroaren errege zara

 ta jaso zazu makila!!!

 

 7

 

 Heriotzara bultzatzen zaitu

 herriaren adoreak,

 eta gu berriz beldurtzen gaitu

 zuk daukazun baloreak,

 Derriorrean eduki behar

 gorri gorri koloreak,

 zuk botatako odol potzuan

 sortuko diren loreak.

 

 8

 

 Zugaitz zaharra, urteen mende,

 zegon ia erorian,

 eta azkenik jarri digute

 espetxean hilzorian.

 Zure izena ez dadin galdu

 geroaren memorian,

 urrezko letraz josiko dugu

 Euskadiko historian.

 


inprimatu