Lehenengo eta azkenengo bidaia

 1

 Errezilgo puntatik

 joanik Donostiara

 egin nuen jira

 desio lizun batek

 nindulako tira.

 «Masaje»ko etxe bat

 ikusi-desira,

 nolako zirkoa zen

 ikusi-sikira...

 baina pasatakoak

 xelebreak dira!

 2

 Mutil zahartzen hasia

 nolatan nagoan,

 indarra ahoan,

 baina probatutzeko

 desioz nengoan.

 Erabakia hartu

 nuen nik lehengoan,

 lagun baten esana

 harturik gogoan.

 Hori probatu gabe

 ez mundutik joan.

 3

 Horrelako bidaiak

 nituen estraina,

 hura zen apaina!

 Neskatxei beldur nien

 deabruei haina.

 Azkenean ausartu

 nintzen alajaina

 kolonia botata

 jarririk apaina,

 pailasona egiteko

 bildur nintzen baina.

 4

 Gizona nola sartu

 leike hotz-hotzean

 etxe arrotzean...?

 Hura zen sufritzea

 denbora motzean!

 Eskaileratan gora

 pauso bakoitzean

 zirrara bat sartzen zen

 nere bihotzean...

 Eta eskuak dar-dar

 tirrina jotzean.

 5

 Zabaldu zuanean

 atearen ertza

 nola nengon pentsa...

 Eta agertu zenak

 zirudin iketza,

 neska polita baina

 Afrikako beltza.

 Kolpetik hauts bihurtu

 zitzaidan ametsa...

 Harekin nola piztu

 kaldelaren metxa?

 6

 Ez nengoan jaxua

 hasteko lanean,

 nere afanean,

 -bilutsik jarri zaite-

 esan zidanean.

 Masajeak ematen

 jarririk gainean,

 kalabreak sentitzen

 nituen barnean,

 alperrik zen hastea

 hartu-emanean.

ETXEZARRETA, J.M.