Jainkoa eta haurrak
Izazpik
-1-
«Jainkoa eta haurrak» dirala
badira milla iritzi,
ta batengandik besterengana
dago ainbat diferentzi.
Mudantza asko nola datozen
onuntz biar edo etzi,
argitasunik dadukatenak
eman gabe ezin utzi.
-2-
Gaur, zenbat buru ainbat aburu
gizonak nola dituzten,
nik neronena agertu nai det
baldin badidate uzten.
Ikastolatan utsune latza
askok dutela ikusten,
andereñoak religiorik
ez dutela erakusten.
-3-
Apaiz askori abogadutza
eskatzen degu oitura,
ta bakoitzari eskatu bear
tokatutzen zaion ura.
Andereñoen eginkizuna
zer dan gaitezen kontura,
obligazio bakarra dute
euskeraz eman kultura.
-4-
Zertako jardun religioa
erakusteko esaten,
ortan ezjakin baldin badira
aldrebes egin dezaten.
Andereñoek lezaken dana
garbi esanik itz baten,
euskera ongi erakutsi ta
persona onak izaten.
-5-
Denda batian klase guziak
saldutzen ziran lenago,
ta orain berriz, klase bakarra,
ikusten asita nago.
Andereñoei zertan eskatu
dakiten baiño geiago?
Religioa erakusteko
Eliza ortako dago.
-6-
Beste nazio batzutan ere
gertatzen dira kasuak,
izparringi ta liburuetan
or dauzkatzute jasuak.
Religioa erakutsitzen
egin alegin osuak,
baiña ortako kargua dute
Eliza ta gurasuak.
-7-
Religioak bere maixuak
bazter guzietan ditu,
baiñan gu ezin besteren maillan
iñoiz ere errenditu.
Zer gertatuko zaiguan guri
beiñ betirako aditu?
Dana aiñ ona nai degu eta
batere gabe gelditu!!!
-8-
Guraso danak katolikoak
ditugula emen kasi,
Jainkoagatik! nik ez nuke nai
gai ori aztertzen asi.
Toki guzitan bezela emen
danetikan gaude nasi,
gure alderdi ta utsuneak
ezagututzen ikasi.
-9-
Aiñ kristau zarrak giñala uste,
betidanik sinismendun!
Euskalerriko kondaira ontan
gaizki ikasiko gendun.
Esaera da, berdin dirala,
Euskaldun eta fededun,
ia burutik al dan azkarren
«mito» au kendutzen degun.
-10-
Aurreratzeko, mitoak utzi,
komeni da berritzia,
Zeiñi gustatzen zaio betiko
baztertuta gelditzia.
Gauza ederra bakoitzak bere
sinismena eukitzia,
erespetatu dezagun beintzat
bakoitzaren iritzia.
